Exact 702'774,88 francs ha l'Americana Mikaela Shiffrin gudagnà en la stagiun passada. Cun questa summa ha ella perfin gudagnà dapli che Tina Maze en sia stagiun da siemi. Lezza era il 2012/2013 stada 24 giadas sin il podest ed aveva uschia gudagnà 701'797 francs.
Ed er ils umens han nagina schanza cunter l'Americana: L'Austriac Marcel Hirscher, ch'è per la settavla giada en roda davant sin la tabella da summas da premis, ha gudagnà 30'000 francs pli pauc che Shiffrin.
Er Holdener e Feuz han gudagnà bain
Wendy Holdener, ch'è sin l'emprim plaz tar la cumbinaziun e sin il segund plaz en il classament general e tar il slalom, vegn remunerada cun 273'794 francs. Beat Feuz è cun 260'875 sin il terz plaz tar la rangaziun da summas da premias.
Podest dunnas
- 1. Mikaela Shiffrin 702'774.88 francs
- 2. Wendy Holdener 273'794 francs
- 3. Lindsey Vonn 264'430 francs
Ulteriuras Svizras
- 12. Lara Gut 121'264 francs
- 18. Jasmine Flury 65'805 francs
- 20. Mélanie Meillard 53'465 francs
Podest umens
- 1. Marcel Hirscher 669'681 francs
- 2. Henrik Kristoffersen 345'071 francs
- 3. Beat Feuz 260'875 francs
Ulteriur svizzer
- 14. Ramon Zenhäusern 84'496 francs
RR novitads 11:00