Siglir tar il cuntegn

Header

Navigaziun

Skiunza sin il podest cun ina buttiglia da schampagner en maun che sprizza.
Legenda: Mikaela Shiffrin è arrivada en tschima da sia carriera. Keystone
cuntegn

Naziunal/Internaziunal Shiffrin gudogna il classament general

Mikaela Shiffrin ha gudagnà anticipadamain il classament general da la coppa mundiala. Quai era grazia a sia concurrenta Ilka Stuhec che n’è betg da la partida tar l’ultim slalom da la stagiun.

Avant las ultimas duas cursas da la stagiun ha Shiffrin gia in avantatg da 198 puncts sin la Slovena Stuhec. Igl era gia dapi pli ditg cler che Shiffrin gudagnass la gronda culla da cristal e ch’ella daventass uschia la successura da Lara Gut.

«Memia stanca»

Sco motiv ch’ella na participeschia betg al slalom da sonda ha Ilka Stuhec inditgà ch’ella saja simplamain gia memia stancla.

Per ils Stadis Unids è quai la sisavla giada ch’ina dunna gudogna il classament general. Tamara McKinney aveva gudagnà la gronda culla da cristall l’onn 1983 e Lindsey quatter giadas (2008, 2009, 2010 e 2012).

Palmares cumplet

Shiffrin che ha mo 22 onns ha gudagnà 11 cursas questa stagiun. Datiers vegn il terz titel sco campiunessa mundiala en il slalom e la medaglia d’argient en il slalom gigant. Campiunessa olimpica en sia disciplina, il slalom, era ella gia daventada avant trais onns Sotschi.

RR novitads 22:00