Siglir tar il cuntegn
Inhalt

Naziunal/Internaziunal Shiffrin gudogna en seria

Mikaela Shiffrin gudogna il slalom da notg a Flachau en l'Austria. Igl è la 10avla victoria per l'Americana da questa stagiun.

Shiffrin va la notg cun skis.
Legenda: Mikaela Shiffrin gudogna il slalom a Flachau en l'Austria. Keystone

Segunda è Bernadette Schild ch'aveva manà suenter l'emprim percurs. La Svedaisa Frida Hansdotter è terza.

Meglra Svizra è Denise Feierabend sco 11avla

Wendy Holdener è gia crudada ora suenter l'emprim percurs. Era Mélanie Meillard ch'era tar mez temp anc 5avla n'è betg vegnida a l'arrivada tar il segund percurs. Uschia è Denise Feierabend meglra Svizra: En il segund percurs è ella sa megliurada dal 20avel sin il 11avel plaz.

Il podest

  • 1. Mikaela Shiffrin (USA) 1:50,86
  • 2. Bernadette Schild (AUT) 0,94
  • 3. Frida Hansdotter (SWE) 1,43

RR novitads 22:00