Siglir tar il cuntegn

Naziunal/Internaziunal Shaqiri manca en squadra naziunala

Il trenader da la naziunala svizra da ballape Vladimir Petkovic sto desister da Xherdan Shaqiri en l’emprim gieu da qualificaziun per il campiunadi mundial.

Xherdan Shaqiri.
Legenda: Manca per in temp nundeterminà Xherdan Shaqiri. SRF

Betg mo il Portugal sto desister da ses superstar Ronaldo a l’entschatta da la qualificaziun per il campiunadi mundial da ballape. La Svizra parta ils 6 da settember a Basilea senza Xherdan Shaqiri cunter il campiun europeic. Shaqiri vegn a mancar pervi d’ina blessura vid il ventrigl. En il mender cas vegniss el schizunt a manchentar ils gieus da qualificaziun durant l’october en l’Ungaria (7) ed ad Andorra (10).

Renato Steffen remplazza Shaqiri. Steffen aveva manchentà il campiunadi europeic en Frantscha pervi d’ina blessura da la musculatura. Er puspè da la patida è Timm Klose.

Return da trais

Dal cader dal campiunadi europeic mancan trais giugaders. Il defensur Steve von Bergen aveva gia annunzià avant l’EURO en Frantscha sia demissiun da la squadra naziunala. Denis Zakaria dals Young Boys parta en la selecziun U21 ils gieus da qualificaziun europeics cunter Kasachstan e Bosnia-Erzegovina. Luca Zuffi dal FC Basel cumpelettescha il cader da 23 umens.

Gol: Yann Sommer (Borussia Mönchengladbach), Roman Bürki (Borussia Dortmund), Marwin Hitz (Augsburg)

Defensiun: Stephan Lichtsteiner (Juventus Turin), Michael Lang (Basilea), Fabian Schär (Hoffenheim), Johan Djourou (Hamburger SV), Nico Elvedi (Borussia Mönchengladbach), Timm Klose (Norwich City), Ricardo Rodriguez (Wolfsburg), François Moubandje (Toulouse)

Champ central: Granit Xhaka (Arsenal), Valon Behrami (Watford), Blerim Dzemaili (Bologna), Fabian Frei (Mainz), Gelson Fernandes (Rennes), Luca Zuffi (Basilea), Admir Mehmedi (Bayer Leverkusen), Renato Steffen (Basilea)

Offensiun: Breel Embolo (Schalke), Haris Seferovic (Eintracht Frankfurt), Eren Derdiyok (Galatasaray Istanbul), Shani Tarashaj (Everton)

RR novitads 18:00