Siglir tar il cuntegn
Inhalt

Naziunal/Internaziunal Seraina Friedli en il cader naziunal da l’EURO

Il cader naziunal cun las 23 giugadras per il campiunadi d’Europa da ballape 2017 en l’Ollanda è enconuschent. La trenadra naziunala Martina Voss-Tecklenburg ha a chaschun d’ina conferenza da medias a Magglingen annunzià cun tge equipa ch’ella vul cumbatter al proxim grond turnier da ballape.

Martina Voss-Tecklenburg, trenadra naziunala
Legenda: Martina Voss-Tecklenburg, trenadra naziunala Keystone
Seraina Friedli, goli FCZ e naziunala Svizra
Legenda: Seraina Friedli, goli FCZ e naziunala Svizra Keystone

La finala betg dumagnà il davos pass en il cader naziunal han Julia Sierli, Florijana Ismaili e Barla Deplazes. Quest trio vegn dentant anc a trenar quest’emna cun l’equipa naziunala, sco er il quart goli Nicole Studer. Percunter è Seraina Friedli nominada sco goli da reserva. La giugadra engiadinaisa dal FC Turitg ha dà fin oz dus gieus cun la naziunala Svizra.

Il mardi, ils 11 da fanadur, vegn il cader cun las 23 giugadras a sa rimnar a Bad Zurzach. Ils 14 da fanadur sgola l’equipa naziunala direcziun Ollanda e quatter dis pli tard dattan las Svizras lur emprim gieu da gruppa encunter las Austriacas. Durant l’EURO è l’equipa naziunala da chasa en il quartier Fletcher Hotel Doorwerth-Arnheim.

Program da gieus

16-07-2017
gieu d'avertura
Ollanda – Norvegia
18.00 uras ad Utrecht
18-07-2017gieu da gruppa
Austria – Svizra
18.00 uras a Deventer
22-07-2017gieu da gruppa
Islanda – Svizra
18.00 uras a Doetinchem
26-07-2017gieu da gruppa
Svizra – Frantscha
20.45 uras a Breda