Siglir tar il cuntegn
cuntegn

Naziunal/Internaziunal Senza Mehmedi al campiunadi mundial

L'equipa naziunala Svizra sto giugar al campiunadi mundial da ballape senza Admir Mehmedi. Quai ha la federaziun svizra da ballape communitgà.

Mehmedi en tricot mira engiu. para pensiv.
Legenda: Admir Mehmedi ses num na stat betg sin la glista provisorica cun ils nums dals ballapedist che pon ir al campiunadi mundial. Keystone

Il stgarp dal liom dal saja curada, el haja dentant manchentà memia blers trenaments. Uschia na saja el betg semtgà per l'emprima fasa da preparaziun per il campiunadi mundial. Da sa participar als gieus da preparaziun cunter la Spagna (ils 3 da zercladur) e cunter il Giapun (ils 8 da zercladur a Lugano) na fiss cartaivlamain betg stà pussibel ubain memia ristgà, scriva la federaziun svizra da ballape.

Igl è ina decisiun dal tgà, e na betg dal cor. Jau sent ch'jau na pudess betg dar al team quai ch'ins spetga da mai, surtut ad in campiunadi mundial.
Autur: Admir Mehmediattatgader

Mehmedi n'haja betg vulì bloccà il plaz ad in auter giugadur e vulì ch'il trenader decidia. Quai ha Vladimir Petkovic fatg. Sin la glista provisorica ch'el ha preschentà oz na stat il num Mehmedi betg pli. La glista cuntegn dentant anc 26 nums. Fin ils quatter da zercladur sto il trenader decider tge 23 ballapedists che pon definitivamain ir al campiunadi mundial en Russia.

RR novitads 22:00