Ensemen cun ses um, il sportist Ilya Chernousov, spetga Selina Gasparin quest atun il segund uffant. Il pèr ha gia dapi il favrer 2015 ina figlia, Leila, quai communitgescha Swiss-ski.
Gia uss patratga la dunna da 34 onns vi dal return en il sport da biatlon.
«Sa chapescha è ina prognosa difficila», di Selina Gasparin. Tuttina è ella plain fidanza da pudair turnar en il sport la fin dal enviern proxim.