Siglir tar il cuntegn
Inhalt

Naziunal/Internaziunal Segunda victoria per Pinturault a Hinterstoder

Il Franzos Alexis Pinturault ha era gudagnà il segund slalom gigant da Hinterstoder en l'Austria. E quai è la terza victoria en seria en il slalom gigant per el.

Il skiunz franzos Alexis Pinturault.
Legenda: Alexis Pinturault ha gia mussà en l’emprim percurs dal slalom gigant sia classa. Keystone

Pinturault è stà en omadus percurs il pli spert, ed a distanzià l’Austriac Marcel Hirscher per passa 1 segunda. Plazza 3 va al Norvegiais Henrik Kristoffersen.

Carlo Janka dat gas en il 2. percurs

Ina ferma cursa ha er Carlo Janka mussà. En il segund percurs ha il Sursilvan anc pudì far bun 7 posiziuns, ed è sa meglierà sin plazza 7. E quai en pir ses segund slalom gigant da la stagiun. Puncts da la cuppa mundiala hai era dà per il Grischun Gino Caviezel (24.) e Loic Meillard (27.).

RR Novitads 14:00