Siglir tar il cuntegn
Inhalt

Naziunal/Internaziunal Segunda terrada per la naziunala Svizra

La naziunala Svizra da hockey sin glatsch è gia suenter il segund gieu da gruppa sut grond squitsch al campiunadi mundial a Moscau. Suenter la terrada encunter il Kasachstan han ils Svizzers er pers encunter la Norvegia cun 3:4 suenter prolungaziun.

Patrick Fischer cun in time out.
Legenda: Il time out da Patrick Fischer n'ha gidà pauc. La Svizra perda era encunter la Norvegia. Keystone

Che la Svizra ha insumma gudagnà in sulet punct encunter ils Norvegiais è d’engraziar a Félicien Du Bois. Il defensur dal HCD ha tuc al 3:3 be 10 secundas avant la fin dal gieu. En la prolungaziun ha Yannick Weber dentant survegnì chasti da duas minutas. Ils Norvegiais han pudì nizzegiar il powerplay e sajettà il gol decisiv al 4:3 en la 64avla minuta, quai entras il giugader da la NHL, Andreas Martinsen.

Mardi, ils 10 da matg, dat l’equipa da Patrick Fischer il proxim gieu da gruppa encunter il Danemarc. En quest gieu dovri urgentamain trais puncts per uschia salvar la schanza da sa qualifitgar per il quartfinal.

RR novitads 18.00