Siglir tar il cuntegn
Inhalt

Naziunal/Internaziunal Segund aur per Rudisha – Dibaba ademplescha rolla da favurit

4 onns suenter ses emprim titel da campiun mundial gudogna David Rudisha puspè la cursa sur 800 meters a Peking. E Genzebe Dibaba recaltga a moda suverana aur sur 1’500 meters.

Ils atlets David Rudisha e Genzebe Dibaba.
Legenda: Aur per il Kenian David Rudisha sur 800 meters, e per Genzebe Dibaba da l’Etiopia sur 1’500 meters. Keystone

En la cursa sur 800 meters ha il Kenian David Rudisha accelerà il tempo curt avant l’arrivada, ed ha uschia distanzià il Polac Adam Kszczot ed Amel Tuka da la Bosnia-Erzegovina.

E la cursa da las dunnas sur 1’500 meters ha dominà sco spetgà la curridra da l’Etiopia Genzebe Dibaba. Ils davos 800 meters ha Dibaba augmentà il ritmus, ed uschia laschà nagina schanza a la concurrenza. Argient ha gudagnà la Keniana Faith Kipyegon, e bronz l'Ollandaisa Sifan Hassan.

RR Novitads 16:00