Sebastian Vettel procura per triumf da Ferrari

Il pilot da furmla 1, Sebastian Vettel po festivar si'emprima victoria per Ferrari. El ha gudagnà avant Lewis Hamilton e Nico Rosberg.

Sebastian Vettel en ses Ferrari

Legenda da maletgs: Sebastian Vettel ha dà gas en ses Ferrari e laschà la concurrenza davos sai. Keystone

Il quatter-dubel campiun mundial, Sebastian Vettel ha gudagnà il Grond Premi da la Malaisia avant il defensur dal titel Lewis Hamilton en il bolid da Mercedes. Terz è vegnì l'ulteriur pilot da Mercedes, Nico Rosberg.

Per ils dus pilots da Sauber n'ha quai dà nagins puncts. Felipe Nasr è vegnì 12avel e ses collega - Marcus Ericsson è crudà ora.

RR novitads 11:00