Siglir tar il cuntegn
Inhalt

Naziunal/Internaziunal Sebastian Vettel ha segirà la pole position

Ils dus pilots da Ferrari Sebastian Vettel e Kimi Räikkönen èn stads ils pli svelts en la qualificaziun per il grond premi da furmla 1 a Sotschi en Russia.

In purtret da Sebastian Vettel.
Legenda: Sebastian Vettel ha segirà la pole positon per dumengia. Keystone

En la qualificaziun dal Grond premi da la Russia a Sotschi ha Sebastian Vettel segirà la pole position, e quai avant ses collega d’equipa Kimi Räikkönen. Per Vettel è quai l’emprima pole position dapi in onn e mez.

Sin plazza 3 e 4 èn sa tschentads ils 2 pilots da Mercedes – Valtteri Bottas e Lewis Hamilton. Per ils dus pilots da Sauber è la qualificaziun stada a fin gia suenter l’emprima part. Els partan dumengia dals plazs 17 e 18.

RR novitads 16:00