Siglir tar il cuntegn

Naziunal/Internaziunal SCL Tigers restan en liga naziunala A

L’equipa bernaisa dal Emmental ils SCL Tigers pon planisar cun ina ulteriura stagiun en liga naziunala A. La sisavla partida cunter l’EHC Bienna gudogna Langnua cun 4:3 sunter prolungaziun e decida la seria cun 4:2.

Giugader da hockey marca gol decisiv.
Legenda: Tobias Bucher dals SCL Tigers marca il gol gol decisiv en la prolungaziun cunter Bienna. Keystone

Uschia vegn Bienna a giugar l’emna proxima cunter la relegaziun. Il campiun da la liga naziunala B vegn alura a giugar cunter Bienna.

En il final da la liga naziunala B giogan ils Rapperswil-Jona Lakers cunter il HC Ajoie. Il mument maina Ajoie la seria cun 3:2. Sche Ajoie gudogna il campiunadi en liga naziunala B alura na vegn la partida da relegaziun betg giugada perquai che Ajoie na vul betg avanzar en liga naziunala A.

RR novitads 06:00