Siglir tar il cuntegn
cuntegn

Naziunal/Internaziunal Schluein Glion cun plaz 5-8 sco finamira

Igl è la terza stagiun che l’emprima equipa da l’US Schluein Glion dat en la segunda liga. L’emprim onn eran ins vegnì da tener be per pauc la segunda liga. La stagiun vargada ha l’equipa Sursilvana lura dumagnà quai pli cler cun l’otgavel plaz.

Il trenader da l’US Schluein Glion, Urs Casutt.
Legenda: Il trenader da l’US Schluein Glion, Urs Casutt. usschlueinilanz.ch

Plirs giugaders han ussa l’experientscha da 2 stagiuns en la segunda liga. Perquai è era la finamira dal trenader Urs Casutt pli auta, che da be tener la liga. El prenda en mira in plaz tranter 5 ed 8.

Casutt cuntent cun preparaziun

Cun la preparaziun ed il stadi da l’equipa è il trenader cuntent. Era sch’igl è stà in temp turbulent a Schluein, cun il nov stadion, la nova plazza da ballape, il camp dal HSV ed il gieu tranter Schluein Glion e l’equipa da la Bundesliga, sin la preparaziun n’haja quai betg gì in’influenza negativa – anzi positiva, uschia Urs Casutt.

Emprim gieu è mez avust

L’emprim gieu da la stagiun dat l’emprima squadra da la US Schluein Glion ils 15-08-2015 a chasa cunter Triesen. Quai di datti era in program accumpagnant e la festa d’inauguraziun dal stadion e la nova plazza da ballape.