Naziunal/Internaziunal - Schletta partenza per bobs svizzers
La stagiun da bob ha entschet mal per las duas equipas svizras da Rico Peter e Beat Hefti. A la concurrenza da bob a dus ad Altenberg en Germania èn Rico Peter ed il Ollandais Janne Bror van der Zijde vegnids 7avels, Beat Hefti è vegnì ensemen cun Sandro Ferrari mo 11avel.
Per Ferrari èsi stà sia emprima concurrenza en la cuppa mundiala. Il giuven da 20 onns ha remplazzà Alex Baumann ch’è blessà. Avant in onn avevan Hefti/Baumann gudagnà ad Altenberg.
Quella giada ha il matador local gudagnà, il campiun mundial Francesco Friedrich. Segund è Oskars Melbardis da la Lettonia e terz Won Yunjong da la Corea dil sid.
