Siglir tar il cuntegn

Header

Navigaziun

Il schaic dal Bahrain Salman bin Ibrahim Al-Khalifa.
Legenda: Il 6avel candidat per il presidi da la FIFA, il schaic Salman bin Ibrahim Al-Khalifa. Keystone
cuntegn

Naziunal/Internaziunal Schaic Salam vul succeder a Blatter

Il penultim di pussaivel è vegnì inoltrà in’ulteriura candidatura per il presidi da la FIFA. Il schaic dal Bahrein e president da la federaziun asiatica da ballape, Salman Bin Ebrahim Al-Khalifa è il 6avel candidat che vul a Sepp Blatter.

Tenor l'agentura da novitads dpa vuleva il schaic Salman l’emprim sustegnair il president da l'UEFA Michel Platini. Las schanzas da vegnir elegì èn però pitschnas suenter ch'igl è vegnì a la glisch ch'el aveva survegnì in bonus da 2 milliuns francs da Blatter.

Termin da candidatura scada mardi

Cunquai ch’il termin da candidatura scada il mardi, vegnan tut ils candidats ad esser enconuschents. Dasper Platini ha er il prinzi da la Jordania Ali bin al-Hussein ambiziuns per il post. Ils ulteriurs candidats èn David Nakhid da Trinidad e Tobago, il sid-african Tokyo Sexwale e l’anteriur secretari da la FIFA Jérôme Champagne.

RR novitads 12:00