Da l’enfiern en il parvis – quai pass ha il SC Berna fatg en la stagiun da hockey, la quala è ida a fin ier saira. Sco otgavla ed ultima equipa èn ils da Berna sa qualifitgads per ils playoffs. Là han els spuranà davent tuts ed han festivà il 14avel titel da lur istorgia.
Berna ha gudagnà a Lugano cun 3:2 e cuntanscha uschia in resultat final da seria da 4:1.
Quai è dentant be in’istogia da pliras istorgias spezialas. Ina bella è franc er quella dal trenader assistent Lars Leuenberger, ch’è daventà scheftrenader en il decurs da la stagiun. Uss sto el bandunar il SC Berna – malgrà il titel da campiun.
RR novitads 23:00 / 06:00