Siglir tar il cuntegn

Header

cuntegn

Naziunal/Internaziunal SC Berna realisescha il break

Il club da hockey da Berna gudogna en la prolungaziun ordaifer cunter Lugano cun 3:2. Ils Bernais han dominà per gronda part il gieu e gudagnà la finala la terza partida dal final cunter Lugano. En la seria maina uss l’SCB cun 2:1.

L'erox en la prolungaziun è stà Tristan Scherwey. Suenter ch'el ha gudagnà in bully ha l'attatgader sajettà il puck en direcziun gol. Il goli da Lugano Merzlikins n'ha betg pudì impedir il gol.

audio
Bunura: SC Berna realisescha il break
ord Actualitad dals 08.04.2016.
laschar ir. Durada: 2 minutas 49 Secundas.

En il temp da gieu regular era l'SCB ì cun 1:0 en avantatg entras in shorthander da Bodenmann. En il segund terz ha Lugano fatg dus gols (Martensson e Lapierre) avant che Ebbett ha pudì egualisar al 2:2 en la 47avla minuta. En la seria maina l'SC Berna ussa cun 2:1. Sonda è il proxim gieu a Berna.

RR novitads 06:00

Artitgels legids il pli savens