Siglir tar il cuntegn

Naziunal/Internaziunal Sbisa prolunghescha tar ils Vancouver Canucks

Il giugader da hockey svizzer Luca Sbisa ha prolungà ses contract cun ils Vancouver Canucks per 3 onns. Il nov contract porta al defensur da 25 onns 10,8 milliuns dollars, quai tenor rapports da medias nordamericanas.

Luca Sbisa dals Vancouver Canucks vid il puck.
Legenda: Il defensur Luca Sbisa (vid il puck) fa il mument ina buna figura en il dress dals Vancouver Canucks. Keystone

Luca Sbisa ha midà sin questa stagiun da Anaheim tar Vancouver. El ha persvadì cun fermas prestaziuns defensivas. En 74 gieus ha el nudà 11 puncts da scorer. Fin oz ha Sbisa dà 354 gieus en la National Hockey League.

RR novitads 12.00