Siglir tar il cuntegn
Inhalt

Naziunal/Internaziunal Sauber preschenta l'auto nov - il C36

En ina preschentaziun nunspectaculara en l'internet ha il constructur d'autos da furmla 1 preschentà ses nov model: il Sauber C36 Ferrari.

purtret da l'auto da furmla 1 da Sauber
Legenda: Il nov model C36 - cun l'indicaziun ch'igl è la 25avla stagiun en la furmla 1. SRF

La scheffa dal team, Monisha Kaltenborn, spera da pudair returnar ad anteriurs success. Grazia als novs possessurs, la Longbow Finance S.A., dettia la pussaivladad da puspè vegnir concurrenzabels. Suenter ils onns da trumpada (2014: 0 puncts e 2016: 2 puncts) duai il nov model puspè gidar da sa posiziunar entamez la tabella. Il 2015 ha Sauber rimnà 36 puncts.

Autos pli lads

Ils novs reglaments procuran che tut las 10 equipas ston construir autos dal tuttafatg novs. Il directur tecnic da Sauber, Jörg Zander, resumescha las midadas: «Ils autos èn pli lads (da 1,8 m sin 2,0 m), i dat pneus ch'èn per 25% pli lads, la front e la part davos èn medemamain pli ladas ed il diffusur vegn engrondì.»

RR novitads 14:00