Annunzias davart ina midada tecnica dal team Sauber èn gia dapi in temp vid far la runda. Uss èsi uffizial: La squadra da cursa svizra finescha la fin da quest onn la collavuraziun cun Ferrari. Cun ils talians è Sauber stà collià en tut 17 onns. Dal 1997 enfin il 2005 e dal 2010 enfin oz. Tranteren giaschan ils quatter onns che BMW ha gì il commando da la squadra da cursa.
La scheffa da team e CEO, Monisha Kalternborn discurra d'ina grond'onur da pudair lavurar ensemen cun Honda. Ella è da l'avis che la collavuraziun porschia novas schanzas e che la collavuraziun vegnia a purtar Sauber sin in nov curs da success.
Per che quai daventia verdad stoppia Honda dentant far in grond sigl. Il mument sa preschentan ils giapunais sco partenari exclusiv da McLaren e eplorablamain betg en lur megliera furma. Er en il terz onn da questa collavuraziun cun ils brits n'han els betg pudì preschentar in product che po tegnair cun cun la concurrenza.
RR novitads 12:00
