Siglir tar il cuntegn
cuntegn

Naziunal/Internaziunal Sanna Lüdi suspendida per in onn

Swiss Olympic ha suspendì la Bernaisa Sanna Lüdi per in onn. Tenor Swiss Olympic haja la sportista da skicross cuntrafatg pliras giadas a l’obligaziun da s’annunziar tar Antidoping Svizra nua ch’ella sa chatta u nua ch’ella è vi dal trenar, quai ils davos 18 mais.

sanna lüdi
Legenda: Sanna Lüdi ha uss 21 dis peda da far encunter questa decisiun. Keystone

Il chasti cumenza retroactiv cun la data dals 11 da schaner da quest onn. Plinavant vegnan tut ses resultats da l’october 2014 fin il schaner 2015 annullads. Vitiers sto Anna Lüdi anc pajar in chastì da 2’000 francs. La sportista da 29 onns ha ussa 21 dis peda da far encunter questa decisiun. Era vegnì suspendì or dal medem motiv è il boxist Angel Roque, el per 15 mais.

RR novitad 15:00