Siglir tar il cuntegn

Header

video
La gronda passiun da Sara Schmied è il skeleton
Or da Actualitad video dals 24.01.2021.
laschar ir
cuntegn

San Murezzan La gronda passiun da Sara Schmied è il skeleton

Cun mo 15 onns ha Sara Schmied da Schlarigna pudì participar al campiunadi mundial da bob e skeleton a San Murezzan.

Cun mo 15 onns è Sara Schmied da Schlarigna la pli giuvna atleta ch'è sa qualifitgada per il campiunadi mundial da bob e skeleton a San Murezzan. En il chanal da glatsch istoric tranter San Murezzan e Schlarigna ha ella pudì mussar sin il skeleton, tge ch'ella sa. La finamira da Sara Schmied era da far en la categoria sut 20 onns il pass tranter las meglras diesch. Questa finamira ha la giuvna sportista cuntanschì. Ella è vegnida novavla.

Da la gimnastica e l’atletica leva tar il sport da skeleton

Sara Schmied è creschida si polisportiv. Sco matta ha ella fatg differents sports, principalmain dentant gimnastica ed atletica leva. In di ha ella vis en scola in inserat, nua ch'in dals trenaders era a la tschertga da giuvnas e giuvens che vulessan ina giada empruvar dar ir cun la schlitta, cun il skeleton. Quest trenader era l’anteriur activ Alexander Kefalas. Sco olimpionic era el stà da la partida tar ils Gieus Olimpics l’onn 2014 a Sotschi en Russia.

audio
Sara Schmied è vegnida via la gimnastica tar il skeleton
03:18 min, Sport ed actualitad dals 23.01.2021.
laschar ir. Durada: 03:18 minutas.

San Murezzan è la tgina dal sport da skeleton

Avant passa 100 onns han ils Englais era purtà il sport da skeleton en Engiadina. Il sport ha en il Grischun ina lunga tradiziun. Malgrà quai fan mo paucs indigens il sport da skeleton. Actualmain è tar las junioras mo Sara Schmied activa. Sper ella èn anc ils umens Basil Sieber da Bever e Jean-Jacques Buff da San Murezzan en viadi cun la schlitta en il chanal da glatsch.

audio
Sara Schmied è cuntenta cun sia cursa da skeleton
03:01 min, Sport ed actualitad dals 23.01.2021.
laschar ir. Durada: 03:01 minutas.

RTR actualitad 17:00

Artitgels legids il pli savens

Scrollar a sanestra Scrollar a dretga