San Murezzan 2017 - Zuoz ed ils Campiunadis mundials da skis da las naziuns pitschnas
150 atlets da 70 differentas naziuns cumbattan sin la costa a Pizzet per ina plazza da partenza al slalom u al slalom gigant a San Murezzan. Entant ch’il travasch è grond sin il Munt da San Murezzan, è l’atmosfera a Zuoz pli famigliara.
Il cumbat da las pitschnas naziuns per in numer da partenza
02:50 min, ord Novitads dals 13.02.2017.
laschar ir. Durada: 2 minutas 50 Secundas.
audio
Anna Caprez live davent da la qualificaziun a Zuoz
06:07 min, ord Actualitad dals 14.02.2017.
laschar ir. Durada: 6 minutas 7 Secundas.
En tut datti quatter cursas da qualificaziun a Zuoz en il rom dals Campiunadis mundials da skis 2017 en l’Engiadina. A l’emprima cursa han las damas cumbattì per in dals 100 sezs ch’èn disponibels per partir a las cursas a San Murezzan.
Pli pitschen e pli calm
Cun agid da bun 70 voluntaris han lieu las duas cursas en las duas disciplinas senza grondas agitaziuns e tensiuns. Per mintga atleta ed atlet èn las cursas da qualificaziun ina gronda sfida, e tut tenor er l'emprim pass sin la stgala d'ina gronda carriera da skis.
Tuts gidan in l’auter
Ils trenaders che tgiran e gidan per part plirs atlets da differentas naziuns en ina èn responsabels per bunamain tut quai ch'i dovra sin pista. Finalmain vegn er anc deliberada la naiv da las stgarpas e massadas las chommas da las atletas.