Siglir tar il cuntegn

Header

cuntegn

San Murezzan 2017 Worley gudogna aur en il slalom gigant

Tessa Worley è la campiunessa mundiala en il slalom gigant. La Franzosa ha er dominà il segund percurs, quai avant l’Americana Mikaela Shiffrin. Bronz va a Taliana Sofia Goggia.

Per Worley èsi il segund titel suenter il 2013. La skiunza da 27 onns ha realisà sco numer 1 il meglier temp en il prim percurs. Ses avantatg da 0.48 secundas ha ella lura defendì a moda suverana. Sofia Goggia ha procurà per la prima medaglia taliana.

audio
San Murezzan: Rapport dal slalom gigant da las dunnas
ord Actualitad dals 16.02.2017.
laschar ir. Durada: 2 minutas 9 Secundas.

Meillard ha tegnì ditg il meglier temp

Meglra Svizra è vegnida Mélanie Meillard sco 13avla. En il segund percurs ha ella pudì far bun 8 plazzas.

En la cuppa mundiala era la debutanta da 18 onns fin ussa be ina giada sa qualifitgada meglier, quai a Sesteriere sco 10avla. Simone Wild ch'era suenter il prim percurs anc 5avla è la finala vegnida 14avla.

Camille Rast n'è betg sa qualifitgada per il segund percurs. Jasmina Suter era vegnida disqualifitgada gia en il prim percurs perquai ch'ella ha laschà ora ina porta.

Las top 10 dal slalom gigant

Rang
Num
Naziun
Temp
1
Tessa Worley
FRA
2:05.55
2
Mikaela Shiffrin
USA
+ 0.34
3
Sofia GoggiaITA
+ 0.74
4
Federica Brignone
ITA
+ 0.92
5
Stephanie Brunner
AUT
+ 1.30
6
Manuela Mölgg
ITA
+ 1.33
7
Ana Drev
SLO
+ 1.81
8
Petra Vlhova
SLO
+ 1.95
9
Sara Hector
SWE
+ 1.96
10
Nina Löseth
NOR
+ 1.97

Spurt final dal program ...

  • venderdi: slalom gigant dals umens
  • sonda: slalom da las dunnas
  • dumengia: slalom dals umens

RR novitads 14:00

Artitgels legids il pli savens