Siglir tar il cuntegn
Inhalt

San Murezzan 2017 Topatlets sin pista, topcuschiniers en il «House of Fans»

Quai ch'ils topatlets prestan sin pista, prestan ils topcuschiniers en cuschina. Andreas Caminada e Daniel Lehmann han fatg visita al campiunadi mundial.

Andreas Caminada (san.) e Daniel Lehmann.
Legenda: Andreas Caminada (san.) e Daniel Lehmann. RTR, Georg Luzzi

Omadus prestan lavur d’auta qualitad, analog al circus da skis tutgan els sin il podest. Els èn possessurs da restaurants cun renum internaziunal. Il restaurant Schauenstein GR d'Andreas Caminada posseda 19 puncts da Gault-Millou, il Moosegg BE da Daniel Lehmann 16.

A chaschun dal campiunadi mundial da skis a San Murezzan en els dus s’inscuntrads en il «House of Fans». Andreas Caminada è sez in sportist activ, ma betg sin ils skis. El va cun snowboard, persequitescha però cun plaschair las cursas alpinas.

Il mument ch'ils skiunzs vegnan giu da la pista è el en cuschina, ma pli tard persequitescha el las prestaziuns dals Svizzers en la televisiun ed en las medias socialas.

RR actualitad 17:00