Siglir tar il cuntegn

Header

cuntegn

San Murezzan 2017 Suter pli svelta che Gut

Las Svizras persvadan al trenament per la cursa rapida da dumengia proxima: Quatter dad ellas sa chattan tranter las 10 meglras. Fabienne Suter (2.) ha surpassà Lara Gut (3.) per 38 tschientavels. La pli svelta è però stada la Slovena Ilka Stuhec.

Dasper Lara Gut, ch'era selecziunada fix per la cursa rapida dals campiunadis mundials, han er persvas Jasmine Flury (4.), Corinne Suter (8.) e Michelle Gisin (11.).

Vegnida il meglier a frida cun la pista en il prim trenament è Ilka Stuhec. La Slovena ch'ha questa stagiun gia gudagnà trais cursas rapidas è stada la pli svelta sin la pista a Salastrains.

Dasper Corinne Suter han surtut er persvas Flury e Gisin cun lur numers da partenza 26 e 27. Cun quai èn ellas stadas pli spertas che las cunfavoritas da la cursa rapida sco Lindsey Vonn (12.) e Sofia Goggia (14.).

Greva crudada da Mirjam Puchner

L’Austriaca è crudada durant il trenament ed ha stuì vegnir transportada davent cun il helicopter. En consequenza era il trenament vegnì interrut per pli lung temp.

Il helicopter en acziun suenter la crudada da Puchner.
Legenda: Il helicopter en acziun suenter la crudada da Puchner. Keystone

La gievgia e la sonda èn dus ulteriurs trenaments per la cursa rapida. Là vegnan surdadas las quatter plazzas da partenza svizras. La proxima cursa per Lara Gut e co. è il venderdi cun la super cumbinaziun.

La cursa rapida da las dunnas è dumengia a las 12:00.

RR novitads 11:00

Artitgels legids il pli savens