Stuhec ha gudagnà trais cursas rapidas en questa stagiun e ha er mintgamai dominà ils trenaments sin la pista Engiadina. Las grondas concurrentas da Stuhec èn ina giada la Taliana Sofia Goggia, Tina Weirather dal Principadi dal Liechtenstein ch'ha gia gudagnà argient en il super-g, e betg d'emblidar l'Americana Lindsey Vonn.
Il grond trumf svizzer è Fabienne Suter ch'è mintgamai vegnida segunda en ils trenaments davos Ilka Stuhec. Per Fabienne Suter èn quai gia ils 7avels campiunadis mundials en sia lunga carriera, sin ina medaglia spetga ella dentant anc adina.
Spannegià astgan ins esser sin la Grischuna Jasmine Flury ch'ha mussà fermas prestaziuns en ils trenaments. Plinavant partan per la Svizra Michelle Gisin, la vice-campiunessa mundiala da la cumbinaziun alpina e Corinne Suter ch'ha artà la plazza da partenza da Lara Gut.
La cursa rapida da las dunnas cumenzà las 11:15 uras.
RR actualitad 07:00