Siglir tar il cuntegn

Header

cuntegn

San Murezzan 2017 San Murezzan vul che Edy resta

En sia ultima sesida ha il cussegl communal decis dad instradar tut ils pass necessaris per instradar in midament da possess da la figura da simbol per ils Campiunadis mundials da skis 2017.

Edy, in omagi al campiun olimpic Romedi Rainalter da San Murezzan, duess restar en il lieu da sia tgina. Tenor la suprastanza communala da San Murezzan na pon ins betg permetter ch’in tal object simbolic per il grond eveniment bandunass l’Engiadina. Quai ha ditg il president communal da San Murezzan, Sigi Asprion, ad RTR.

Pliras pussaivladads per Edy

Nua ch’il skiunz, che ha in’autezza da 19 meters, duai finalmain vegnir posiziunà a San Murezzan, na saja dentant betg anc enconuschent: I dettia pliras variantas. Era davart la dumonda da pretsch na sajan ins anc betg uschè enavant, ha agiunt Asprion.

audio
Edy tutga tar San Murezzan e basta!
ord Actualitad dals 21.02.2017.
laschar ir. Durada: 2 minutas 31 Secundas.

Cler saja, che Edy resta uss segir fin la primavaira en ses lieu origin en il Kulm-Parc, nua che tut las ceremonias da medaglias han gì lieu. Entant vul la vischnanca da San Murezzan contactar il possessur actual dad Edy, la societad dals Campiunadis mundials da skis 2017, e tractar davart il «pretsch».

Artitgels legids il pli savens