Siglir tar il cuntegn
Inhalt

San Murezzan 2017 RTR live da San Murezzan

Tge capita durant ils Campiunadi mundials da skis (CM) sin las pistas e sin las vias e giassas da San Murezzan? RTR rapporta mintga di live dal lieu e porscha als visitaders ed a las visitadras la pussaivladad da far ina visita en il «Quadrin» avant il café Hauser.

Livio Foffa (davos) e Gian-Marco Maissen (davant) live da San Murezzan

Dals 6 fin ils 19 da favrer 2017 ha lieu a San Murezzan il campiunadi mundial da ski alpin. Tge capita a San Murezzan durant questas duas emnas? Co è l'atmosfera, tgi lavura e tgi pon ins inscuntrar sin las vias e giassas da l’Engiadin’Ota? Sut il motto «San Murezzan pulsescha» rapporta RTR sin tut ils chanals dals Campiunadis mundials, da las istorgias a l'ur e da las persunas che stattan davos questa occurrenza.

Bainvegni avant il café Hauser

RTR sa preschenta ensemen cun radio SRF3 en in studio ch’è plazzà davant il café Hauser a San Murezzan. Mintga di tranter las 09:00 – 18:00 pon visitadras e visitaders dar ina baterlada cun ils moderaturs, gudagnar in bon per cumprar skis, sa sentir sco in atlet e participar ad ina cursa da skis virtuala cun egliers da 360°.

En il studio s'inscuntran RTR e SRF3 cun la populaziun indigena ed ils visitaders dal CM. Durant duas emnas rapportan ils moderaturs Livio Foffa e Gian-Marco Maissen mintga di live dal studio da radio.

Il moderaturs da sport Andreas Wieland e Roman Dobler tegnan al current audituras ed auditurs davart ils resultats sin pista ed Annina Sedlacek divertescha ina giada per di cun ina emissiun da comedy.

Online

  • resultats actuals, quiz ed istorgias or da l’archiv RTR

Radio Rumantsch

  • 07:20: prevista sin il di
  • 11:00 – 12:00 e 15:00 – 18:00: emissiun live

Televisiun Rumantscha

Cuntrasts Focus

  • dumengia, ils 05.02.2017 a las 17:25 sin SRF1

Telesguard live da San Murezzan

  • glindesdi, ils 06.02.2017, a las 17:40 sin SRF1 / Play RTR
  • venderdi, ils 17.02.2017, a las 17:40 sin SRF1 / Play RTR

Al lieu

  • «Quadrin» avant il café Hauser/GKB: 09:00 – 18:00