Siglir tar il cuntegn
Inhalt

San Murezzan 2017 «Munggafurz» ed il spiert dals voluntaris

1300 voluntaris, umens e dunnas da tut ils lieus en Svizra e l’exteriur lavuran per ils Campiunadis mundials. Per els ha la vischnanca da San Murezzan mess a disposiziun il vegl local da pumpiers. Qua, en la voluntari lounge sent'ins il spiert dals voluntaris ed ins savura l'engaschi.

Il Munggafurz, in shot cun Vodka da caramel e groma na datti betg mo en la lounge dals voluntaris. Qua para el dentant prest d'esser obligatoric. Cun el vai al proxim di anc meglier, è in ni l'auter voluntari persvadì.

La lounge ch'è il vegl magazin da pumpiers da San Murezzan è mintga di bain visitada. Ils voluntaris nizzegian l'occasiun da sa chattar sin ina biera e baterlada. Laschar reviver il di, avant che crudar stanchel en letg.