Siglir tar il cuntegn

Header

cuntegn

San Murezzan 2017 Marc Berthod sco insider als Campiunadis mundials da skis

Atgnamain fissan ils Campiunadis mundials da skis a San Murezzan stads la davosa gronda finamira en la carriera da Marc Berthod. Il 2003 era el sa participà a San Murezzan per l’emprima giada ad in eveniment grond. Ils campiunadis actualas fissan stà il punct final da la carriera.

audio
San Murezzan: Marc Berthod l'insider dals campiunadis mundials
ord Actualitad dals 09.02.2017.
laschar ir. Durada: 2 minutas 45 Secundas.

Cun ils Campiunadis mundials da quest onn vess Berthod gugent serrà giu il capitel da skis, quai cun in happy end. Blessuras e problems da sanadad han dentant sfurzà il sportist da 33 onns da terminar la carriera la fin settember e pender ils skis vid la paraid.

Anc collià cun il circus da skis

Tuttina, dal tut davent dal sport da skis n’è Marc Berthod betg. El ha survegnì per ils Campiunadis mundials 2017 ina nova funcziun. Durant duas emnas lavura Berthod per SRF, quai sco insider. Cun Berthod gudogna SRF sa chapescha ina persuna cun blera experientscha ord la cuppa mundiala da skis. Plinavant ha Berthod buns contacts cun San Murezzan. E tranter auter dastga Berthod er esser skiunz da camera ensemen cun Bruno Kernen.

Skiunz da camera

El sa legria sin questa nov’incumbensa, dentant anc pli grond saja il plaschair da vesair las cursas, da mirar co ses anteriurs collegas cumbattian per medaglias sin la pista da la Corviglia. El fissi sa chapescha gugent er stà a la partenza a quests campiunadis mundials da chasa, mo ussa saja la situaziun simplamain uschia, di Marc Berthod.

RR actualitad 07:00

Artitgels legids il pli savens