La sonda a bun’ura è Lara Gut ida a Martigny per laschar far ulteriuras controllas dal schanugl blessà. Ella era sa blessada suenter l’emprim percurs da la cumbinaziun alpina. La diagnosa: Ina ruptura dal liom cruschà dal schanugl sanester.
Las controllas ha Gut laschà far en la clinica da doctor Olivier Siegrist a Martigny. Lez aveva gia tractà la Tessinaisa il 2009. Tenor il «SonntagsBlick» sto Gut laschar operar l’emna proxima.
Suenter la controlla è Gut sgulada en il Tessin. «Lara vegn a duvrar in mument per magunar il schabetg. Ma sch’ins enconuscha ella san ins, ch’ella vegn a returnar pli ferma», ha ditg ses bab Pauli Gut.