Siglir tar il cuntegn
Inhalt

San Murezzan 2017 Ir cun skis n'è betg lur fermezza, far musica dentant schon

La band grischuna è superbia d'avair pudì crear il song dals Campiunadis mundials da skis a San Murezzan.

ils musicists da 77 Bombay Street tar RTR
Legenda: Simri (segund da san.) e Matt Buchli da 77 Bombay Street en il quaderin tar ils moderaturs Livio Foffa (san.) e Gian Marco Maissen (dretg). RTR/David Spinnler

Il chantadur Matt Buchli ed il bassist Simri Buchli, duas dals 4 frars da la band 77 Bombay Street han raquintà ad RTR da lur experientscha da la festa d'avertura: da sunar in concert amez la figura da lain Edy saja stà fitg special.

Ils musicists grischuns han ditg ch'els hajan grond plaschair d'esser cun l'imni Empire quasi la vusch dals campiunadis mundials da skis. Ir cun skis na saja betg lur fermezza, far musica dentant schon. Perquai han es empermess ina show fulminanta per lur concert da la segunda saira dals campiunadis mundials a San Murezzan.

RR actualitad 15:00