Siglir tar il cuntegn
Inhalt

San Murezzan 2017 Il Sursilvan cun turtas da nusch en l'Engiadina

Reto Schmid vul esser cun ses products là nua che ses clients èn. Perquai pon ins era cumprar las turtinas da Sedrun a durant ils campiunadis mundials a San Murezzan.

Las turtinas Sursilvanas a San Murezzan.
Legenda: Las turtinas Sursilvanas a San Murezzan. RTR/ G-M Maissen

Il House of Fans amez San Murezzan, quai è il lieu nua ch’ils fans svizzers festiveschan suenter ina victoria las medaglias cun ils atlets.

Firmas sco la Swiss, Ochsner Sport u Rivella sponsureschan l’entir travasch. Ed amez tut ils gronds nums è era la La Conditoria Sedrun Switzerland cun sias mini turtas da nusch grischunas.

Mes motto è: betg ils gronds mangian ils pigns mabain ils sperts ils plauns.
Autur: Reto Schmidpatrun La Conditoria Sedrun Switzerland

Era collavuraziun cun la Swiss

Durant ils Campiunadis mundials da Skis a San Murzzan collavura Reto Schmid era cun la Swiss. Uschia survegn il passagier la fin dal sgol enstagl d’ina tschigulattina ina mini turta da nusch grischuna. Cun talas acziuns craja Reto Schmid da pudair far che la glieud conuscha cul temp sia marca ed ils products correspundents.

RR actualitad 17:00