Siglir tar il cuntegn
cuntegn

San Murezzan 2017 Hirscher gudogna er aur en il slalom

Suenter aur en il slalom gigant ed argient en la cumbinaziun gudogna Marcel Hirscher er aur en il slalom als campiunadis mundials a San Murezzan. L'Austriac ha declassà ses cumpatriot Manuel Feller per 68 tschientavels. La medaglia da bronz va al Tudestg Felix Neureuter.

Sco gia en il slalom gigant hai er dà in triumf dubel austriac en il slalom. Per HIrscher èsi gia la 6avla medaglia d'aur a campiunadis mundials.

Nagin di Svizzer

Per ils skiunzs Svizzes n'hai dà nagina ulteriura medaglia. Meglier Svizzer è Reto Schmidiger sin plazza 16, Luca Aerni il victur da la cumbinaziun è vegnì 19avel. Ramon Zehnhäusern e Daniel Yule èn curdads ora en il segund percurs.

Cunquai èn ils campiunadis mundials da skis a San Murezzan a fin. Per las atletas ed ils atlets Svizzers èsi stà duas emnas da success, quai cun trais medaglias d'aur, duas d'argient e duas da bronz

Piter per la Svizra: Pervia da la victoria dubla han ils Austriacs anc surpassà en l’ultim mument pussaival la delegaziun da Swiss Ski en il speivel da medaglias.

Ils top 10 dal slalom

Rang
Num
Naziun
Temp
1
Marcel Hirscher
AUT
1:34.75
2
Manuel Feller
AUT
+ 0.68
3
Felix Neureuter
GER
+ 0.93
4
Henrik KristoffersenNOR
+ 1.04
5
Alexander ChrooschilowRUS+ 0.57
6
André Myhrer
FIN
+ 1.10
7
Marco Schwarz
AUT
+ 1.11
8
Michael Matt
AUT
+ 1.24
9
Stefano Gross
ITA
+ 1.40
10
Stefan Hadalin
SLO
+ 1.41

RR novitads 14:00