Siglir tar il cuntegn
Inhalt

San Murezzan 2017 Franz Klammer – in fan dal rumantsch

Ina da las grondas legendas dal ski alpin ha visità il studio da RTR a San Murezzan. Franz Klammer è stà in dals grond skiunzs ils onns 70. Il 1976 è el tranter auter vegnì campiun mundial ed olimpic en la cursa rapida. L'Austriac è era stà in dals gronds rivals da Bernhard Russi.

Legende: Video En discurs cun Franz Klammer abspielen. Laufzeit 03:31 Minuten.
Or da RTR dals 09.02.2017.

El haja tadlà Radio Rumantsch durant il viadi a San Murezzan, ha ditg Franz Klammer cura ch’el è arrivà en il Quadrin a San Murezzan.

Il rumantsch saja bain ina lingua parenta cun il ladin da las Dolomitas? El enconuschia numnadamain las linguas alpinas, manegia la legenda da skis austriaca. Per el saja quai impurtant da mantegnair las linguas minoritaras, ha Klammer ditg vinavant.

E natiralmain che Franz Klammer sa regorda fitg gugent da San Murezzan. Qua ha el lantschà per propi sia carriera durant ils campiunadis mundials il 1974. El vegnia adina puspè gugent enavos en l'Engiadin, era perquai ch’el sappia bain ch’el haja anc adina blers fans en Svizra.

RR actualitad 15:00