Siglir tar il cuntegn
Inhalt

San Murezzan 2017 Fitg dad aut – ma supportabel

Las vischinas e vischins dal Kulm-Park han actualmain ina vita hectica. Mintgadi vegnan millis persunas sin la plazza amez San Murezzan, taidlan, ballan, sbragian e givlan. E la saira l’entira lavina puspè en direcziun staziun.

A sinistra la chasa dals abitants e a dretga il Edi sin il Kulm-Park
Legenda: Fitg dad, aut ma supportabel en vischinanza dal Kulm-Park RTR, Georg Luzzi

Ils campiunadis mundials èn in eveniment che dura radund 15 dis, suenter daventa quai pli quiet en la vischnanca da San Murezzan. Las abitantas e abitants en vischinanza dal Kulm-Park percorschan quai il pli ferm.

Mintga di millis da persunas davant porta

A partir da las 16:00 regna ina situaziun excepziunala. La musica strasuna sur tut las chasas or, ils fans sbragian al mument da la surdada da medaglias. Enturn las 23:00 sa quietescha lura puspè la situaziun.

Grond traffic, paucs clients

L’event sez n’è betg il punct che disturba. Il pli grond disturbi èn l’enorm traffic e la mancanza dals clients en las fatschentas. Quels n’han betg la pussaivladad d’arrivar fin davant porta ed uschia na vegnan els er betg en butia.

La maioritad dals abitants accepta la situaziun cun umor. Ils blers sa participeschan sezs a las festas e spetgan cun in suspir fin che tut va a fin.

RR actualitad 17:00