Siglir tar il cuntegn
cuntegn

San Murezzan 2017 Eveniment sveglia bleras regurdientschas tar Gian Gilli

Per il directur dals ultims Campiunadis mundials da skis a San Murezzan il 2003 è la visita sin la muntogna stada obligatorica. Durant quella ha l’Engiadinais er inscuntrà bleras fatschas enconuschentas.

Gian Gilli
Legenda: Gian Gilli ha oz sia atgna firma da consultaziun. RTR, Anna Caprez

El na saja dentant betg vegnì si Salastrains per adina puspè far cumparegliaziuns cun l’organisaziun d’avant 14 onns, mabain per giudair l’atmosfera d’in eveniment da sport cun tempra mundiala, di Gian Gilli. Durant il temp tranter il davos ed il campiunadi da skis actual saja numnadamain sa midà ina pluna.

Tuttina satisfacziun

Er sch’el n’è betg involvì en l’organisaziun dals campiunadis mundials da skis actuals, datti dapertut fastizs ch'eran vegnids lantschads il 2003. Oravant tut l’organisaziun cun tut ils gidanters ed ils voluntaris, ma er ils numerus tunnels ch’i dat sin il territori da skis da San Murezzan, per pudair traversar las pistas. Tut quai fetschia el però superbi e dettia er ina tscherta satisfacziun, uschia Gian Gilli.

RR actualitad 17:00