Siglir tar il cuntegn
Inhalt

San Murezzan 2017 Cursa rapida dals umens è oz

La cursa roiala dals umens è vegnida spustada sin oz dumengia a las 13:30, quai gist suenter la cursa rapida da las dunnas. Pervia dals champs da nivels han ils organisaturs decis d'annullar la cursa rapida che fiss stada planisada per la sonda da mezdi.

Ils novs termins per las cursas rapidas:

  • dumengia a las 11:15 cursa rapida da las dunnas
  • dumengia a las 13:30 cursa rapida dals umens

Adina puspè spustà il termin da partenza

La damaun na guardava insumma betg ora sco sche la tschajera pudess impedir la cursa dad oz. Fina bell'aura e tschiel blau han fatg gust sin ina gronda festa da skis. Pli datiers che la partenza a las 12:00 vegniva e pli spessa la tschajera. La cursa è vegnida spustada in'emprima giada a las 12:30. Suenter ulteiuras spustadas han ils organisaturs lura decis che la cursa na po betg avair lieu.

Sin il program dad oz stat pia la cursa rapida da las dunnas e dals umens, il glindesdi la cumbinaziun dals umens ed il mardi lura la concurrenza da team.

Colonnas a Salastrains.
Legenda: Colonnas a Salastrains. RTR, Georg Luzzi

Pazienza per arrivar a Salastrains

Tgi ch'è vegnì la sonda bunura a San Murezzan, ha duvrà da bler pazienza: Colonnas gia a partir dal pass dal Güglia e parcadis plains. Er il caminar si Salastrains ha però custà gnerva.

Tge capita cun ils bigliets?

Tut las persunas cun in bigliet per la cursa rapida dals umens da la sonda, han oz in'entrada libra per la cursa rapida da las dunnas, quai en il sectur da l'arrivada.

RR novitads 15:00