Siglir tar il cuntegn
Inhalt

San Murezzan 2017 Bronz per Lara Gut

Lara Gut ha gudagnà l’emprima medaglia per la Svizra als Campiunadis mundials da skis a San Murezzan. La Tessinaisa è vegnida terza en il super-g davos la surpraisa austriaca Nicole Schmidhofer e Tina Weirather dal Principadi dal Liechtenstein.

Lara Gut valeva sco la gronda favurita ed ha er mussà ina cursa quasi perfetga sin la pista Engiadina. Per triumfar han la finala 36 tschientavels mancà. Gudagnà aur e nova campiunessa mundiala en il super-g è l’Austriaca Nicole Schmidhofer. La skiunza da 27 onns ha persvadì da la partenza fin l’arrivada e gudagnà cun in avantatg da 33 tschientavels avant Tina Weirather dal Principadi dal Liechtenstein.

Legende: Video Ils fans da Gut han dà tut abspielen. Laufzeit 00:10 Minuten.
Or da RTR dals 07.02.2017.

5avla medaglia per Gut

Per Lara Gut èsi gia la 5avla medaglia a campiunadis mundials. Fin ussa ha ella gudagnà trais giadas argient ed ina giada bronz. Bronz vevi er dà en la cursa rapida dals gieus olimpics a Sotschi. Sin ses emprim titel e l’emprima medaglia d’aur sto Lara Gut spetgar vinavant. La proxima schanza survegn Gut dentant gia il venderdi en la super-cumbinaziun.

Nicole Schmidhofer.
Legenda: Aur per Austria: Nicole Schmidhofer. Keystone

Vonn e Veith out

La medaglia d’aur dal super-g da las dunnas resta pia en ils mauns austriacs. Avant dus onns a Vail Beaver Creek aveva Anna Veith triumfà. A San Murezzan n’ha Veith dentant betg cuntanschì l’arrivada, er l’Americana Lindsey Vonn è crudada or.

Giu naginas schanzas sin ina medaglia han las cunfavuritas, la Taliana Sofia Goggia e la Slovena Ilka Stuhec ch’han pers bun ina secunda ed han uschia stuì sa cuntentar cun ils plazs 10 ed 11.

Cun Corinne Suter e Joana Hählen han anc duas ulteriuras Svizras cuntanschì in plaz sut las top 15. Suter è vegnida 12avla e Hählen 13avla. La skiunza grischuna Jasmine Flury ha terminà il super-g sco 17avla.

Las top 10 dal super-g

Rang
Atleta
Naziun
Temp
1
Nicole Schmidhofer
AUT
1:21.34
2
Tina Weirather
LIE
+0.33
3
Lara Gut
SUI
+0.36
4
Victoria Rebensburg
GER
+0.53
5
Elena Curtoni
ITA
+0.55
6
Ragnhild Mowinckel
NOR
+0.69
7
Stephanie Venier
AUT
+0.77
8
Tessa Worley
FRA
+0.84
9
Federica Bignone
ITA
+0.84
10
Sofia Goggia
ITA
+0.91

RR novitads 14:00