Siglir tar il cuntegn
Inhalt

San Murezzan 2017 Blumer, Bucheli e co. fan prognosas ord il tschaler

Durant ils Campiunadis mundials a San Murezzan decida il comité d’organisaziun sche cursas ston vegnir spustadas u betg. Là sa basa quel sin las prognosas da SRF Meteo, il provider uffizial da l’aura.

Legende: Video Meteo per San Murezzan abspielen. Laufzeit 03:01 Minuten.
Or da RTR dals 07.02.2017.

Dapi il 2008 è SRF Meteo il furnitur da prognosas da l’aura uffizial da las cursas da skis per la cuppa mundiala a San Murezzan. Era las 2 emnas dal campiunadi mundial sustegnan ils meteorologs d’SFR Meteo il comité d’organisaziun cun lur prognosas.

Per pussibilitar prognosas anc pli precisas ha il comité d’organisaziun installà questa stad quatter ulteriuras staziuns meteorologicas sin il traject da la pista. Tar decisiuns sche far ni spustar ina cursa po il comité d’organisaziun sa fidar da las datas d’SRF Meteo.

Biros spartanics

SRF Meteo è per il mument preschent cun dus biros a San Murezzan. In en il areal da l’arrivada a Salastrains per las prognosas en connex cun las cursas, l'auter en in biro en il vitg da San Murezzan per far las prognosas naziunalas. Ils biros èn fitg simpels e spartanics cun singuls computers. Quel a San Murezzan sa chatta en il plaun sutterran d'in hotel. Tenor Thomas Bucheli, il manader da la redacziun Meteo, na dependi betg dal lieu mabain da las datas per far bunas prognosas e quellas haja el a San Murezzan.