Avant il start dal super-g da las dunnas èn ils umens sa miserads en l’emprim trenament per la cursa rapida da la sonda. Il meglier temp ha fatg il Svizzer Beat Feuz cun 1:42.14.
Il mardi a bun’ura ha Beat Feuz mussà sias ambiziuns per l’eveniment en l’Engiadina. Per 21 tschientavels è el sa mess atras cunter il Franzos Brice Roger, e quai tar cundiziuns perfetgas.
In ulteriur tschientavel secunda davos suonda il Glarunais Patrick Küng, il campiun mundial dal 2015, sco terz. Il Grischun Mauro Caviezel è vegnì en l'arrivada cun l'8avel meglier temp (+0,70). Sin plazza 9 suonda Carlo Janka cun in retard da 0,71 secundas.
La cursa rapida dals umens è sonda a las 12:00.
RR novitads 11:00