Siglir tar il cuntegn
Inhalt

San Murezzan 2017 Aur per Aerni - Caviezel gudogna bronz

Ulteriuras medaglias per la Svizra : Luca Aerni è campiun mundial en la cumbinaziun. Il spezialist dal slalom ch’era anc 30avel suenter la cursa rapida ha triumfà en il slalom. L'Austriac Marcel Hirscher gudogna argient cun in retard dad in tschientavel sin Aerni. Mauro Caviezel gudogna bronz.

Il skiunz da 24 onns da Grosshöchstetten ha nizzegià la schanza e mussà sia cursa da la vita. A la fin ha decis in tschientavel a favur dal Bernais, quei en il duel cun Marcel Hirscher, il campiun mundial d’avant dus onns a Vail / Beaver Creek.

Caviezel va per bronz

Il Grischun Mauro Caviezel (14avel suenter la cursa rapida) è sa catapultà sin plazza 3 cun in retard da 6 tschientavel sin ses collega da team. Per Caviezel èsi medemamain il pli grond success da la carriera.

Justin Murisier sco 6avel e Carlo Janka sco 7avel cumpletteschan il resultat dal team svizzer.

La trumpada

Gì da far nagut cun la decisiun ha il topfavurit Aleix Pinturault. Il Franzos ha bain be pers 1,46 secundas sin il meglier temp, en il slalom n'ha el però betg pudì persvader. La finala è el sa tschentà sin plazza 10.

Aur per la terza

Luca Aerni gudogna uschia la terza medaglia d'aur per il team da Swiss-Ski suenter Wendy Holdener e Beat Feuz. En la cuppa mundiala era il skiunz da 23 onns fin ussa mai vegnì meglier che 5avel. Ussa è però grategià ad el l'exploit en il dretg mument.

Ils top 10 da la cumbinaziun

Rang
Num
Naziun
Temp
1
Luca Aerni
SUI
2:26.33
2
Marcel Hirscher
AUT
+ 0.01
3
Mauro Caviezel
SUI
+ 0.06
4
Aleksander Kilde
NOR
+ 0.40
5
Dominic Paris
ITA
+ 0.40
6
Justin Murisier
SUI
+ 0.49
7
Carlo JankaSUI
+ 0.68
8
Vincent Kriechmayr
AUT
+ 0.75
9
Adrien Theaux
FRA
+ 0.77
10
Alexis Pinturault
FRA
+ 0.86

Sco proxim vai ussa vinavant cun ...

  • l'event da team il mardi
  • il slalom gigant da las dunnas la gievgia
  • il slalom gigant dals umens il venderdi

RR novitads 14:00