Siglir tar il cuntegn
Inhalt

San Murezzan 2017 A San Murezzan chantan schizunt locomotivas

Enstagl da «Tü-Rü» chantan tschertas locomotivas ussa durant ils Campiunadis mundials da skis a San Murezzan. Ina sgnocca da la Viafier retica.

Legende: Video Locomotivas che chantan abspielen. Laufzeit 00:38 Minuten.
Or da RTR dals 06.02.2017.

En trais locomotivas da la Viafier retica è vegnì installà in buttun cotschen. Quel po il locomotivist smatgar per laschar ir l’imni dals Campiunadis mundials da skis 2017 a San Murezzan.

Tenor Moreno Beti, capo dals locomotivists, saja quai ina sgnocca per far buna luna als fans da skis. Uschia vegnan quests trens cunzunt era ad esser en funcziun la damaun baud sin ils trajects Cuira-San Murezzan e Landquart-San Murezzan.

Las pli grondas schanzas d’inscuntrar in tal tren han ins tenor Moreno Beti tranter las sis e las siat a bun’ura davent da Cuira u Landquart.

Autpledaders resistents a plievgia e naiv

Ils autpledaders èn a la testa da la locomotiva. Tar naiv nova èn els entaifer curt temp plain naiv. Quai na saja dentant nagin problem. Ils autpledaders èn resistents cunter naiv e plievgia e latiers era anc pachetads en in plastic. Uschia che la locomotiva n’avess d’avair difficultads cun il chantar da staziun a staziun.

RR actualitad 16:00