Siglir tar il cuntegn

Header

video
Campiunadi mundial da skis a San Murezzan 1934
Or da RTR dals 30.01.2017.
laschar ir. Durada: 9 minutas 43 Secundas.
cuntegn

San Murezzan 2017 1934: L'unic film dal campiunadi mundial a San Murezzan

Il Grand Hotel a San Murezzan è gia daditg svanì. La reportascha da l'emprim campiunadi mundial da skis da la FIS a San Murezzan il 1934 cumenza cun ina lunga manada da quest imposant palazi dad hotel da l'architect Karl Koller, brischà en il 1943.

L'autur dal film, Lucas Berther da Sedrun, era sez hotelier e pionier dal turissem d'enviern. El aveva gia fatg numerus films da sia stretga patria, savens davart il turissem d'enviern. Il film dal campiunadi FIS era ina da las paucas excepziuns nua ch'el ha bandunà il Tujetsch.

Oz è il film da gnanc 10 minutas l'unica reportascha filmica enconuschenta da quest’occurrenza a San Murezzan. Il film dat perditga dal travasch da quels dis a San Murezzan, mussa la veglia funivia da la Corviglia e preschenta curriduras e curridurs durant il slalom. 44 umens e 25 dunnas da 15 naziuns eran da la partida sin il Munt da San Murezzan.

Il slalom da las dunnas aveva 15 portas, quel dals umens manava tras «20 listig ausgeklügelte Tore» sco ins po leger en il «Schneehase 1934», il rapport annual dal club da skis academic svizzer. Grazia a quest rapport annual ins riva era dad attribuir ils numers da partenza: Cun il numer 1 ins vesa la cursa da David Zogg (Arosa), il grond star dal campiunadi 1934 che aveva gudagnà 2 medaglias d'aur ed ina d’argient a San Murezzan.

Film Champiunadi FIS 1934 a San Murezzan, autur Lucas Berther (1890-1965)

Artitgels legids il pli savens