Siglir tar il cuntegn

Naziunal/Internaziunal Sagan gudogna terza etappa da la Tour de France

Il Slovac Peter Sagan ha puspè musà quai ch'el sa en il sprint da muntogna.

Purtret da Peter Sagan.
Legenda: Peter Sagan gudogna la terza etappa da la tour de France. Keystone

La terza etappa è ida sur 212,5 kilometers da Verviers en Belgia tras Luxemburg enfin la citad pitschna franzosa, Longwy. La fin hai dà ina lunga rampa da dumagnar. Il munt curt dentant taiss è stà sco fatg per Peter Sagan. 200m avant l'arrivada è el perfin anc glischnà giu dal pedal, ma a ses concurrents n'ha el laschà naginas schanzas.

Davos Sagan èn l'australian Michael Matthews sin plaz dus e l'Irlandais Daniel Martin sin plaz trais.

Küng è crudà enavos

Il Svizzer Stefan Küng ha pers 35 secundas sin l'emprim ed è sa tschentà sin il 57avel plaz. Uschia è el er crudà enavos en il classament general dal plaz 2 sin 12.

RR novitads 18:00