Siglir tar il cuntegn

Header

Navigaziun

In snowboarder en il tschiel blau.
Legenda: Sigl tar la medaglia d'argient – success sensaziunal per Nicolas Huber en la Sierra Nevada. Keystone
cuntegn

Naziunal/Internaziunal Sa catapultà sin il podest – medaglia d'argient per Nicolas Huber

Dapi strusch in mais ha el la licenza da la FIS ed uss ha el gudagnà la medaglia d'argient: En la Sierra Nevada è il Svizzer (22) vegnì vice-campiun mundial en la disciplina slope-style.

Fertant che la gronda part da l’elita mundiala è stada als X-Games ad Oslo, ha l’um da Männedorf fatg la cursa da sia vita. Huber è il prim um svizzer che vegn vice-champiun mundial en il slopestyle.

El na tutga anc betg tar in cader da Swiss-Ski ed era la lizenza da la FIS ha el pir dapi ina cursa da coppa europeica la fin da favrer a Tavau. Ils ultims onns ha Huber lavurà sco «parcshaper» – sco la persuna, che tgira il parc dad ir cun assa en il territori da skis. Uschia ha Nicolas Huber lavurà sin il Corvatsch, a Saas-Fee e Laax.

Meglier che Huber è stà unicamain il Beltg Seppe Smits. La medaglia da bronz è ida a l’American Chris Corning.

Tar las dunnas è la Grischuna Isabel Derungs vegnida 5avla. La Turitgaisa è sa mussà cuntenta cun prestaziun e classificaziun. Ella è suenter dus envierns da pausa pervi da blessuras sin il viadi enavos tar l’elita. Gudagnà la cursa ha la Canadaisa Laurie Blouin, avant Laurie Blouin (CDN) e Miyabi Onitsuka (JPN).

RR novitads 15:00+