La triatleta svizra Daniela Ryf scriva istorgia da sport dal «Ironman». La sportista da Solothurn gudogna il mez «Ironman» en il Bahrain, ed è l'emprima triatleta che va cun il jackpot dad 1 milliun dollars per l'uschenumnada «Triple Crown». In premi sponsurisà dal scheich Nasser Al Khalifa.
Davos la campiunessa mundiala Daniela Ryf èn classadas la collega svizra Caroline Steffen sco segunda a Bahrain - cun radund 10 minutas retard.
RR novitads 10:00
