Siglir tar il cuntegn

Header

Navigaziun

ryf traversescha la lingia
Legenda: La svizra Daniela Ryf traversescha la lingia finala suenter 8 uras 57 minutas e 57 secundas per ils 226 kilometers en l'aua, sin velo e cun currer. Keystone
cuntegn

Naziunal/Internaziunal Ryf gudogna il «Ironman» 2015

La Svizra Daniela Ryf ha gudagnà il triatlon il pli enconuschent e dir: il «Ironman» 2015 a Hawaii.

En tut las 3 disciplinas ha Ryf dominà - tant tar nudar 3,8 kilometers, sco tar ils 180 kilometers cun il velo ed ils 42,2 kilometers da currer. Per quests 226 kilometers ha Ryf duvrà 8 uras e 58 minutas. Quai 13 minutas avant l'englaisa Rachel Joyce ch'è sin plaz 2.

Il «Ironman» svizzer Ronnie Schildknecht ha stuì ceder

Tar ils umens ha il svizzer Ronnie Schildknecht, ch'ha gudagnà pliras giadas en seria il «Ironman» svizzer, stuì ceder suenter la disciplina da velo.

Gudagnà tar ils umens ha il favurit tudestg Jan Frodeno cun 8 uras e 15 minutas. El è cunquai l'emprim campiun olimpic che gudogna era il «Ironman» a Hawaii - che vala inuffizial era sco «campiun mundial dal triatlon».

RR novitads 11:00